Sunday, December 30, 2012

Status Quo 102


Sa isang relasyon, alam kong normal lang ang mga alitan, mga awayan, tampuhan mula sa isang napakaliit at walang kwentang bagay. Tanggap ko. Ngunit ngayon, may nararamdaman akong iba. Hindi ko alam kung ano ito pero alam ko iba to. oo, iba na nga. Hindi na lang basta alitan o maliit na away. Ewan ko. Ano bang dapat kong gawin. Sa pagkakaalam ko, wala naman akong ginagawang sobrang sama para humantong sa ganito ang lahat. Oo. Hindi ako ganun kagaling at masasabi kong wala akong alam sa pakikipagrelasyon. Nung una, ramdam ko may panguunawa pa sya. Ngayon, iba na. WALA NANG GANA. Pagkain ba ako na kelangan ka pang ganahan? Ano bang kulang? Pero sa totoo lang, nakakasawa din. Hindi naman yung tao yung nakakasawa, yung mga nangyayari.

Almost a week nang walang malinaw na communication. Siguro nagsasawa na din kausap ako. Makulit eh. Ayy oo nga pala. Wala na nga palang gana sa akin. Ano dapat ko bang gawin? Oo na. Aaminin ko na. Alam ko marami din naman akong pagkukulang eh. Tanggap ko yun. Pero naman sana din sinasabi sakin no. Para saan pa at naging kami kung kaylangan ko pang makiramdam kung nanjan naman sya na maaring magsabi? May pagkamanhid ako, hindi ko ramdam lahat ng bagay na pinaparating. Parang tingin ko naman masaya na sya kahit ganito kami. Hayaan ko nalang ba? Masaya sya eh. Gusto ko lang din naman eh kung san sya masaya. Sige na. BAHALA NA ulit. Maayos pa kaya? Sana. Ayy hindi pala. I'm sure maayos to. Sana. :/


Pwee. Ang drama ko, hindi bagay sa image ko. lol. jk. So, YUN LANG. xx

Friday, December 28, 2012

Effing Internet Connection

So, these past few weeks, ang dami kong naiisip. Mga plano, problema, pati na rin mga maaring i-blog. As in kumpleto na yung nasa isip ko bago ko pa man mai-type. Ang problema lang ay yung Internet Connection naming p@#!$%@^(*&^$%$!!! bagal. As in sobrang bagal nya. Pag maglo-load ng page ng Facebook, nalo-load nga, wala naman yung CSS nya. Para saan pa't nagload sya diba? Nakakataas at nakaakpan-init ng dugo. Ano nai-blog ko sa mga naisip kong iyon? Tungaw. Ang saya diba?

may "Christmas Special" blog pa sana ako about Christmas dito sa amin. Nung maayos ayos na yung connection, tungaw na lahat ng mga kailangan kong sabihin. Pati yung Christmas Party naming Banana Group. Pati yung StarCity trip namin ng aking cyber friends. Wala. :( Oh well, babawi nalang ako pag nakaalis na ako sa remote naming lugar. Not actually alis, pag may place na ako somewhere else na maganda ganda ang connection. :) Pero as of now, sobrang nakakaBV sya.


Pati Flickr ko, hindi na naa-update. Nung October pa ako naga-attempt magupload. Wala eh. Bahala na. Juskoday.

YUN LANG!! Di ako galit! :D xx

Wednesday, December 19, 2012

Me About Friends


" Mababaw akong tao. Seloso akong kaibigan. Nagseselos ako kapag hindi ako pinapansin kahit ilang beses na akong nagpapapansin. Nagseselos ako kapag may mga bago kang dumarating na kaibigan dahil pakiramdam ko kinakalimutan mo na ko. Nagtatampo ako kapag hindi ka sakin nagsasabi ng problema dahil pakiramdam ko napakawalang kwenta ko. Gusto ko ako lang. O kahit hindi ako lang, okay na yung alam kong  hindi ka pa din nagbabago gaya ng unang pagkakakakilala ko sa’yo. Dahil kapag tinuring kitang kaibigan, itatrato talaga kitang parang syota ko at wala kang pakialam. "

-- israelmekaniko


Sunday, December 16, 2012

Mock Examination

So isa ako sa mga mapalad na nabigyan ng pagkakataon na mag-mock exam for certification sa DB2. At first natuwa ako, kasi nung unang beses pa lang na sinabi ang tungkol dun sa amin, yun na talaga ine-aim ko na sana makapasa at makakuha ng certificate kasi nga naman ang lakas ng hatak din nun, asset kumbaga. And then nalaman ko nga na kasali ako, on the other hand, nakakalungkot kasi kami lang ni Hart ang mapalad na  nabigyan ng pagkakataon. Eh ang gusto ko sana, kung hindi kaming lahat, kaming tatlo nina Aubrey at Mico. Kasi nung sinabi yung tungkol sa certification exam, kami yung talagang tuwang tuwa at parang "Goal Oriented" kaso hindi eh. How I wish kasali talag sila so may karamay din ako. :))